NBA: Chicago vann Boston

Þegar aðeins lokaumferðin er eftir er Chicago Bulls með eins leiks forskot á Toronto í áttunda sæti Austurdeildar NBA. Liðin berjast um að enda í því sæti og komast í úrslitakeppnina.

Chicago tryggir sér sætið með sigri á Charlotte en ef liðið tapar nægir Toronto að vinna New York Knicks þar sem liðið hafði betur í innbyrðis viðureignum sínum gegn Chicago.

Chicago vann mikilvægan sigur á Boston Celtics í nótt 101-93 þar sem Derrick Rose skoraði 39 stig.

Þá vann Utah útisigur á Golden State og Lakers og Phoenix unnu heimasigra. Úrslit næturinnar má sjá hér að neðan.

Chicago - Boston 101-93

Golden State - Utah 94-103

Los Angeles Lakers - Sacramento 106-100

Phoenix - Denver 123-101