Iniesta fær að spila gegn Real

Andrés Iniesta, leikmaður Barcelona, verður ekki dæmdur í bann af Knattspyrnusambandi Evrópu og má því taka þátt í báðum undanúrslitaleikjunum gegn Real Madrid í Meistaradeild Evrópu.

Til greina kom að dæma Iniesta í eins leiks bann fyrir að næla sér viljandi í áminningu í leik gegn Shakhtar Donetsk í fjórðungsúrslitum keppninnar. Iniesta fékk áminninguna í fyrri viðureign liðanna og tók því út leikbann í síðari leiknum.

Barcelona áfrýjaði þessu og nú hefur hún verið tekin til greina. Félagði staðfesti á heimasíðu sinni nú fyrir stundu að Iniesta væri því heimilt að spila í fyrri leiknum gegn Real Madrid sem fer fram í Madríd í næstu viku.

Þessi sömu lið mætast í úrslitaleik spænsku bikarkeppninnar í kvöld og þar verður Iniesta sjálfsagt í eldlínunni.