Messi: Hernandez myndi sóma sér vel í Barcelona-liðinu

Lionel Messi er á því spænsku stórliðin Barcelona og Real Madrid hljóti að hafa áhuga Javier Hernandez eftir frábæra frumraun hans með Manchester United á þessu tímabili. Hernandez hefur verið lykilmaður í góðum árangri United og Messi hefur hrifist af mexíkóska landsliðsframherjanum.

„Hernandez er án nokkurs vafa leikmaður sem myndi sóma sér vel í Barcelona-liðinu. Hann talar spænsku og hefur skemmtilegan leikstíl," sagði Lionel Messi en Barcelona og United mætast í úrslitaleik Meistaradeildarinnar á Wembley á laugardaginn.

„Frammistaða Hernandez á tímabilinu er örugglega ein af ástæðum þess að United hefur staðið sig svona vel. Ég er líka mjög hrifinn af því að sjá suður-amerískan leikmanna fá tækifæri hjá liði eins og Manchester United. Það býr mikið í þessum strák og það er vel þess virði að fylgjast með honum í framtíðinni," sagði Messi.  

„United er með virkilega góða leikmenn í hverri stöðu og alveg eins og hjá okkur þá þarftu slíka menn til þess að geta unnið Meistaradeildina," sagði Messi.