Næturvinna skilaði Vettel besta tíma

Tæknimenn Red Bull unnu næturlangt í bíl Sebastian Vettel eftir að hann var ósáttur með gang mála á æfingum í gær. Sú vinna virðist hafa skilað sér á Hungaroring brautinni í Ungverjalandi dag því Vettel náði besta tíma á lokaæfingunni fyrir tímatökuna.

Vettel varð 0.301 úr sekúndu á undan Fernando Alonso á Ferrari á æfingunni í morgun í blíðskaparveðri. Jenson Button á McLaren náði þriðja besta tíma og var 0.471 á eftir Vettel, en Mark Webber á Red Bull 0.477.

Vettel náði besta tímanum á ofurmjúkum dekkjum frá Pirelli, en fyrirtækið útvegar öllum liðum samskonar dekk í tveimur útfærslum. Verður mikið mál fyrir keppnislið að spila rétt úr dekkjamálum, þar sem 0.8 sekúnda munur er á dekkjunum í hring. Gæti skipt sköpum hvernig spilast úr notkun þeirra þegar kemur að kappakstrinum á morgun.

Bein útsending frá tímatökunni hefst kl. 11.45 í opinni dagskrá á Stöð 2 Sport kl. 11.45.

Sjá brautarlýsingu og tölfræði á kappakstur.is