Sölvi Geir í byrjunarliði FCK

Sölvi Geir Ottesen er í byrjunarliði FCK sem mætir tékkneska liðinu Viktoria Plzen í síðari leik liðanna í forkeppni Meistaradeildar UEFA.

Ragnar Sigurðsson er á bekknum að þessu sinni en fyrri leik liðanna lauk með 3-1 sigri Tékkanna í Kaupmannahöfn. Sölvi Geir Ottesen skoraði mark FCK í leiknum en gerði einnig sjálfsmark.

Það er því við ramman reip að draga fyrir Danina í kvöld en leikurinn fer fram í Tékklandi.

Hér fyrir neðan birtast sjálfkrafa allar helstu upplýsingar um framvindu leiksins sem og leikmannahópa liðanna.