Mancini: Verðum að vinna í Munchen

Roberto Mancini, stjóri Man. City, sagðist vera nokkuð sáttur við stigið gegn Napoli í kvöld enda kom liðið til baka eftir að hafa lent undir.

„Við töpuðum boltanum klaufalega þegar þeir skoruðu. Tek það samt ekki af Napoli að liðið ógnaði með skyndisóknum sínum. Við vitum vel að Meistaradeildin er mjög erfið keppni en byrjunin er ágæt og næst verðum við að vinna í Munchen,“ sagði Roberto Mancini, stjóri City, eftir leikinn en Napoli-menn voru enn sáttari við stigið.

„Þetta eru frábær úrslit fyrir okkur. Við vörðumst vel og áttum fínar skyndisóknir. Þetta er erfiður riðill og öll lið geta unnið hvort annað,“ sagði Gokhan Inler, miðjumaður Napoli.