Klitschko fékk nýrnasteinakast - berst ekki um helgina

Ekkert verður af bardaga Wladimir Klitschko og Jean-Marc Mormeck sem átti að fara fram í Düsseldorf um næstu helgi. Klitschko fékk nýrnasteinakast og þurfti að gangast undir tvær aðgerðir. Hann er því eðlilega ekki í neinu ástandi til þess að berjast.

Líklegt er að bardaginn muni þess í stað fara fram þann 3. mars á næsta ári.

Klitschko sagðist vera miður sín vegna þessa en hann gæti lítið gert við því að veikjast.

Frakkinn Mormeck, sem er 39 ára gamall, er klár í slaginn í byrjun mars.