Nasri æfði með Arsenal í dag - verður í hópnum

Stuðningsmenn Arsenal fengu góðar fréttir í dag fyrir leik liðsins gegn Barcelona í 16-liða úrslitum Meistaradeildar Evrópu á morgun.

Samir Nasri hefur átt við meiðsli í lærvöðva að stríða en æfði með félögum sínum í morgun.

Nasri meiddist í bikarleik Arsenal gegn Huddersfield í síðasta mánuði og hefur verið í miklu kapphlaupi við tímann til að ná leiknum á morgun.

Arsene Wenger þarf nú að ákveða hvort að Nasri sé orðinn nægilega góður til að vera í byrjunarliðinu gegn Börsungum.

Nasri er markahæsti leikmaður Arsenal í öllum keppnum á tímabilinu til þessa með fjórtán mörk.



Uppfært 15.00: Arsene Wenger, stjóri Arsenal, hefur ákveðið að Nasri verði í leikmannahópi liðsins fyrir leikinn gegn Barcelona. Hann mun þó fyrst ákveða á morgun hvort Nasri verði í byrjunarliðinu.