Webber í leit að sínum fyrsta sigri

Mark Webber verður á ráspól í Formúlu 1 kappakstrinum sem fram fer í Mónakó í dag. Webber, sem ekur hjá Red Bull, hefur enn ekki hrósað sigri í þeim fimm mótum sem búin eru á tímabilinu.

Ástralinn vann síðast sigur í Brasilíukappakstrinum á síðasta ári. Hann hafnaði í fjórða sæti í fystu fjórum keppnum tímabilsins en þurfti að sætta sig við það ellefta í síðustu keppni á Spáni.

Webber ók á næstbesta tímanum í tímatökunum en hraðast ók Þjóðverjinn Michael Schumacher hjá Mercedes. Schumacher var hins vegar refsað vegna atviks í Spánarkappakstrinum og ræsir sjötti.

Webber hefur mátt sætta sig við að lifa í skugga Þjóðverjans Sebastian Vettel sem ekur einnig fyrir Red Bull. Vettel hefur staðið uppi sem sigurvegari í keppni ökuþóra undanfarin tvöt tímabil. Hann ræsir hins vegar níundi í dag.

Vettel er efstur ásamt Fernando Alonso hjá Ferrari í keppni ökuþóra á yfirstandandi tímabili með 61 stig að loknum fimm keppnum. Webber er fimmti með 48 stig.

Röð keppenda fyrir ræsinguna í Mónakó má sjá hér að neðan. Keppnin hefst klukkan 12 og er í beinni útsendingu á Stöð 2 Sport.

01 Mark Webber

02 Nico Rosberg

03 Lewis Hamilton

04 Romain Grosjean

05 Fernando Alonso

06 Michael Schumacher *

07 Felipe Massa

08 Kimi Raikkonen

09 Sebastian Vettel

10 Nico Hulkenberg

11 Kamui Kobayashi

12 Jenson Button

13 Bruno Senna

14 Paul di Resta

15 Daniel Ricciardo

16 Jean-Eric Vergne

17 Heikki Kovalainen

18 Vitaly Petrov

19 Timo Glock

20 Pedro de la Rosa

21 Charles Pic

22 Narain Karthikeyan

23 Pastor Maldonado **

24 Sergio Perez ***

*Refsing - aftur um fimm sæti vegna áreksturs á Spáni

**Tvöföld refsing - aftur um fimmtán sæti vegna áreksturs og bilunar í búnaði

***Refsing - aftur um fimm sæti venga bilunar í búnaði