Páll Einarsson: Tilhlökkun að mæta góðu liði á útivelli

„Það er tilhlökkun að mæta góðu liði á útivelli en vissulega hefðum við viljað fá heimaleik," sagði Páll Einarsson þjálfari Þróttar eftir að ljóst var að liðið mætir Stjörnunni á útivelli í undanúrslitum Borgunarbikarsins í fótbolta karla. Þróttur er í næst efstu deild og liðinu hefur ekki gengið vel í deildinni það sem ef er sumri.

„Við höfum aðeins verið að ströggla í deildinn og erum kannski í botnbaráttunni þar, en bikarkeppnin er bara annað mót og það hefur gengið vel þar," bætti Páll við.