Aguero: City getur vel unnið Real Madrid

Argentínumaðurinn Sergio Aguero óttast það ekki að mæta Real Madrid í Meistaradeildinni og segir að Man. City sé með nógu gott lið til þess að vinna spænsku meistarana.

Aguero lék lengi vel með erkifjendum Real, Atletico Madrid, og þekkir því vel til spænska liðsins.

"Ég náði aldrei að vinna Real með Atletico en vonandi gengur það upp með City. Auðvitað verður það erfitt. Real og Barca eru meðal bestu liða heims en við erum líka ansi góðir," sagði Aguero.

Hann er á góðum batavegi eftir að hafa misst af síðustu leikjum City vegna meiðsla.