Van Persie: Við Rooney gerðum þetta saman í kvöld

Robin van Persie skoraði bæði mörk Manchester United í kvöld þegar liðið vann 2-1 sigur á Cluj í Rúmeníu. United hefur fullt hús eftir tvær fyrstu umferðir riðlakeppninnar þrátt fyrir að hafa ekki verið alltof sannfærandi í leikjunum.

„Ég veit ekki hvort seinna markið mitt í kvöld sé það flottasta sem ég hef skorað fyrir félagið. Kannski, ég þarf að sjá það aftur," sagði Robin van Persie við BBC.

„Það byrjar allt með góðri sendingu og ég verð að þakka Wayne fyrir sendingarnar. Það geta ekki margir leikmenn gefið sendingu eins og í seinna markinu. Þegar boltinn kom til hans þá vissi ég að hann gæti gefið svona sendingu og sett hann þangað sem ég vildi fá hann," sagði Van Persie.

„Þetta var að ég held í fyrsta sinn sem við vorum saman í byrjunarliðinu og við vorum báðir mjög ánægðir með það. Við Rooney gerðum þetta saman í kvöld," sagði Van Persie.