Ribery ekki með gegn Arsenal

Arsenal á gríðarlega erfiðan leik fyrir höndum í Meistaradeildinni á miðvikudag. Þá sækir liðið Bayern München heim með 3-1 tap á bakinu eftir fyrri leikinn.

Það vinnur þó með enska liðinu að Frakkinn frábæri, Franck Ribery, getur ekki leikið með Bayern í leiknum vegna meiðsla.

Ribery meiddist í leik liðsins um helgina er það vann Fortuna Düsseldorf. Ellefti sigur Bayern í röð. Arjen Robben myndi að öllu jöfnu leysa hann af en Robben er sjálfur tæpur vegna meiðsla.

Bayern verður einnig á Jerome Boateng og Bastian Schweinsteiger í leiknum en þeir eru í leikbanni.

Arsenal þarf að skora að minnsta kosti þrjú mörk gegn Bayern í leiknum en það hefur engu liði tekist að gera í vetur.