Badstuber frá í tíu mánuði í viðbót

Holger Badstuber, varnarmaður Bayern München, hefur ekkert spilað síðan í desember og verður nú frá í minnst tíu mánuði til viðbótar.

Badstuber skaddaði krossbönd í hné í desember síðastliðinn en meiðslin tóku sig nýlega upp. Hann fór í aðgerð á mánudaginn þar í ljós kom að krossbandið gerði ekkert gagn lengur.

Hann er 24 ára gamall þýskur landsliðsmaður en samkvæmt tilkynningu Bayern er ekki talið að meiðslin ógni ferli hans.

Badstuber er uppalinn leikmaður Bayern og hefur spilað meira en 100 leiki með Bayern.