Bale vonast eftir sæti í byrjunarliðinu um helgina

Gareth Bale, leikmaður Real Madrid, vonast til að byrja leikinn gegn Villareal á laugardaginn en hann hefur ekki leikið heilan leik í allt sumar vegna meiðsla.

Þessi dýrasti leikmaður sögunnar hefur æft tvívegis með liðinu og hefur strax náð að aðlaðast hópnum vel.

„Mér líður vel og hef náð að æfa alla vikuna með Wales,“ sagði Gareth Bale í viðtali við Sky Sports.

„Ég gat spilað í rúmlega hálftíma með landsliðinu á þriðjudaginn og auðvitað er ég ekki í eins góðri leikæfingu og aðrir leikmenn liðsins.“

„Maður verður auðvitað bara að bíða og sjá hvort ég verði valinn í liðið á laugardaginn en ég tel mig vera tilbúinn og vonandi fæ ég tækifærið.“