Ekki er um mikið nýtt efni að ræða síðan í síðustu stiklu sem sást úr myndinni en ef grannt er skoðað má sjá glitta í Ísland hér og þar.
Myndin, sem er leikstýrt af Christopher Nolan, var tekin upp að hluta til hér á landi síðasta sumar, til dæmis á Svínafellsjökli.
Rúmlega þrjú hundruð manna tökulið vann við myndina, þar á meðal hundrað Íslendingar en það var íslenska framleiðslufyrirtækið Sagafilm sem aðstoðaði við tökurnar.
Í aðalhlutverkum í Interstellar eru Matthew McConaughey, Matt Damon, Anne Hathaway, Jessica Chastain og Casey Affleck.
