Murray vann Nadal í fyrsta skipti á leir

Andy Murray vann sinn fyrsta sigur á leir gegn Rafael Nadal í úrslitaleik spænska meistaramótsins, en úrslitaleikurinn fór fram í kvöld.

Bretinn Murray hefur aldrei unnið Nadal á leirnum í síðustu sex viðureignum þeirra, en í kvöld fóru leikirnir 6-3 og 6-2.

Nadal gat unnið sinn fimmta sigur í Madrid, en Bretinn kom sá og sigraði.

„Ég spilaði mjög vel. Ég gerði mjög fá mistök og ég breytti hæðinni á boltanum sem var ástæða þess að hann átti í erfiðleikum með þessa bolta frá mér,” sagði Murray við Sky Sports.

„Á síðasta ári var ég ekki nægilega tilbúinn til þess að vinna,” sagði Murray að lokum.