Betra Ísland með Lindu á Bessastöðum

Við Linda Pétursdóttur kynntumst fyrir skemmstu, en leiðir okkar lágu saman í gegnum dýraverndarverkefni, en sem kunnugt er, er hún mikill umhverfis og dýraverndarsinni, auk þess að vera mjög andlega þenkjandi.

Margir hafa sagt; að það að vera með ,,dýraverndarelementið“ rótgróið í hjarta sínu lýsi ákveðnum og mikilvægum mannkostum. Það feli í sér kærleik, sem smiti út frá sér og hafi jákvæð áhrif á samskipti við samferðafólk okkar. Að vilja vernda líf, allt til þess allra minnsta hvort, sem um er að ræða dýr eða menn í allri sinni fjölbreyttu birtingarmynd lýsi eftirsóknarverðum eiginleikum.

Kunn eru hin fleygu orð Mahatma Ghandi  sem sagði:  Siðmenningu manna og framfarir mætti ráða af því hvernig þeir koma fram við dýr.

Auk margs annars treysti  ég Lindu Pétursdóttir  best til þess  að hafa áhrif á bætta siðmenningu á Íslandi og láta gott af sér leiða í þágu umhverfis og dýraverndar auk annars sem mér finnst að mætti betur fara íslensku þjóðinni til framdráttar.

Í ljósi þessa  skora ég á  Lindu að gefa kost á sér í næstu forsetakosningum og kjósendur að veita henni brautargengi ákveði hún framboð.