Sjáðu ítarlegan upphitunarþátt fyrir Formúlu 1

Formúla 1 fer aftur af stað um helgina en þá hefst nýtt tímabil í Ástralíu. Sem fyrr munu þeir Rúnar Jónsson og Kristján Einar Kristjánsson sjá um veglega umfjöllun Stöðvar 2 Sports um keppnismótaröðina.

Upphitunarþáttur var sýndur á Stöð 2 Sport í gærkvöldi sem má nú sjá í heild sinni hér á Vísi. Þar er farið yfir öll keppnisliðin og ökuþóra þeirra og möguleikar þeirra fyrir tímabilið rætt í þaula.

Lewis Hamilton er ríkjandi heimsmeistari en hann hefur unnið síðustu tvö árin. Liðsfélagi hans hjá Mercedes, Nico Rosberg, mun þó veita honum harða samkeppni um titilinn.

Sjá einnig: Hver veltir Mercedes af stalli í Formúlu 1?

Þá verður áhugavert að sjá hvort að Ferrari muni veita Mercedes alvöru samkeppni í ár en liðið á tvo af bestu ökuþórum heimsins, þá Sebastian Vettel og Kimi Raikkönen.

Formúlu 1 keppnistímabilð hefst í Ástralíu um helgina. Tímatakan fer fram klukkan 06.00 á laugardag og keppnin klukkan 04.30, allt í beinni útsendingu á Stöð 2 Sport. Tryggðu þér áskrift á 365.is.