Víkingur í undanúrslit eftir vítaspyrnukeppni

Víkingur er kominn í undaúrslit í Lengjubikar karla eftir sigur á Leikni. Vítaspyrnukeppni þurfti til að fá sigurvegara í leiknum.

Markalaust var eftir venjulegan leiktíma og þá var hoppað beint í vítaspyrnukeppni.

Víkingar nýttu öll vítin sín en Leiknir klúðraði einu og er því úr leik.

Á morgun mætast Fylkir og KR sem og Keflavík og FH. Átta liða úrslitunum lýkur svo á miðvikudag með leik Vals og Breiðabliks.

Leikur Fylkis og KR á morgun verður í beinni á Stöð 2 Sport.

Vítaspyrnukeppnin samkvæmt urslit.net.

1-0 Ívar Örn Jónsson

1-1 Ólafur Hrannar Kristjánsson

2-1 Vladimir Tufegdzic

2-2

3-2 Gary Martin

3-2 Ingvar Á. Ingvarsson skýtur yfir

4-2 Alex Freyr Hilmarsson

4-3 Fannar Þór Arnarsson

5-3 Viktor Bjarki Arnarsson