Tumenov ætlar að rota Gunnar í fyrstu lotu

Það vantar ekki sjálfstraustið í rússneska rotarann Albert Tumenov sem mætir Gunnari Nelson í búrinu um helgina.

Tumenov sagði í samtali við MMAfréttir.is í dag að samkvæmt hans útreikningum muni hann rota Gunnar í fyrstu lotu.

Tumenov er mikill rotari og er sagður vera betri standandi en í gólfinu á Gunnar að hafa yfirburði. Þetta verður því afar áhugaverð rimma.

Tumenov er búinn að vinna fimm bardaga í röð. Er á styrkleikalista UFC en Gunnar féll af listanum eftir tapið gegn Demian Maia í desember.

Sjá má viðtal MMAfrétta við Tumenov hér að ofan.

Bardagakvöldið verður í beinni á Stöð 2 Sport á sunnudag. Tryggðu þér áskrift á 365.is.