Nishikori skellti Murray

Japaninn Kei Nishikori er nokkuð óvænt kominn í undanúrslit á US Open í tennis eftir sigur á Andy Murray í nótt.

Murray var annar á styrkleikalista mótsins og það er því óvænt að hann sé úr leik.

Leikur þeirra var magnaður og stóð yfir í fjóra tíma. Nishikori vann í fimm settum - 1-6, 6-4, 4-6, 6-1 og 7-5.

Nishikori var sjötti á styrkleikalista mótsins en hann fór alla leið í úrslit fyrir tveim árum síðan.

Hann mun mæta Stan Wawrinka í undanúrslitum en Wawrinka lagði Juan Martin del Potro.