Líkamsárásin í Eyjum: Maðurinn úrskurðaður í gæsluvarðhald

Maðurinn sem grunaður er um stórfellda líkamsárás og kynferðisbrot gagnvart konu í Vestmannaeyjum á laugardag var úrskurðaður í vikulangt gæsluvarðhald í Hæstarétti í dag. Héraðsdómur hafði hafnað gæsluvarðhaldskröfu lögreglunnar.

Samkvæmd heimildum Stundarinnar fannst konan nakin í húsagarði í grennd við skemmtistað í bænum með mikla áverka  og var flutt í sjúkraflugi á Landsspítalann í Reykjavík. Heimildir fréttastofu herma að konan sé höfuðkúpubrotin, en hún mun hafa útskrifað sjálfa sig af Landspítalanum í gær.