Ofurfyrirsæturnar samankomnar hjá Balmain

Vorlína Olivier Rousteing fyrir Balmain var frumsýnd í gær í París. Áherslurnar voru aðrar í sýningunni heldur í fyrri sýningum Roustaing, sniðin voru afslappaðari heldur en áður og hann hefur fengið mikið lof fyrir á vefmiðlum.

Fötin voru ekki það eina sem vakti athygli á sýningunni heldur einnig fyrirsætuvalið. Þarna voru samankomin mörg stærstu nöfnin, fyrirsætur sem eru búnar að vera lengi í bransanum ásamt heitustu nýju nöfnunum. Alessandra Ambrosio, Natasha Poly, Gigi Hadid, Jourdan Dunn og Doutzen Kroes voru klárlega stjörnur sýningarinnar.