„Aldrei verið jafnauðvelt að kjósa“

Benedikt Jóhannesson, formaður Viðreisnar, kaus í Laugalækjarskóla um klukkan hálf tíu í morgun. Benedikt kýs í Reykjavík Norður þar sem lögheimili hans er að finna en sjálfur býður hann fram í Norðausturkjördæmi.

„Það hefur aldrei verið jafnauðvelt að kjósa,“ sagði Benedikt við fréttamann á kjörstað í morgun.

Fylgi flokksins hefur verið á bilinu 8-11 prósent í könnunum undanfarnar vikur og allt sem bendir til þess að flokkurinn fái nokkra kjörna á þing en flokkurinn býður fram í fyrsta skipti.

Að neðan má sjá fylgi flokka í undanförnum könnunum.