Clinton hættir að svara Donald Trump 

Hillary Clinton, forsetaframbjóðandi Demókrata, segir að það skipti ekki lengur máli hvað helsti keppinautur hennar, Donald Trump, segir. Héðan í frá muni hún einblína á málefnin en ekki manninn.

Kapphlaupið um Hvíta húsið hefur hingað til snúist að stórum hluta um ýmsar ásakanir í tengslum við persónu og sögu frambjóðenda. Nú ætlar Clinton að láta af slíkum leikjum.

„Kappræður okkar hafa varað á fimmtu klukkustund. Héðan í frá dettur mér ekki í hug að svara honum,“ sagði Clinton við blaðamenn í Gettysburg.

Fjórtán dagar eru þar til Bandaríkjamenn kjósa sér forseta.

Fréttin birtist fyrst í Fréttablaðinu.