Leggja til að 23 hljóti heiðurslaun listamanna

Allsherjar- og menntamálanefnd Alþingis leggur til að 23 einstaklingar fái heiðurslaun listamanna samkvæmt á næsta ári. Það er einum fleiri en á síðasta ári.

Þrír nýir listamenn bætast á listann í ár, þau Guðrún Ásmundsdóttir leikkona, Hreinn Friðfinnsson myndlistamaður og Steina Vasulka vídeólistakona. Þetta kemur fram í breytingartillögu allsherjar- og menntamálanefndar við frumvarp til fjárlaga fyrir árið 2017.

Heiðurslaun listamanna eru veitt fólki sem varið hefur starfsævi sinni eða verulegum hluta hennar til liststarfa eða skarað fram úr við listsköpun sína eða ef störf þeirra að listum hafa skilað miklum árangri á Íslandi eða á alþjóðavettvangi. 

Mest má veita 25 manns heiðurslaun listamanna á ári hverju. 

Hér að neðan má sjá lista yfir þá listamenn sem allsherjar- og menntamálanefnd leggur til að hljóti heiðurslaun á næsta ári.

1. Atli Heimir Sveinsson

2. Erró

3. Guðbergur Bergsson

4. Guðrún Ásmundsdóttir

5. Hannes Pétursson

6. Hreinn Friðfinnsson

7. Jóhann Hjálmarsson

8. Jón Nordal

9. Jón Sigurbjörnsson

10. Jónas Ingimundarson

11. Jórunn Viðar

12. Kristbjörg Kjeld

13. Magnús Pálsson

14. Matthías Johannessen

15. Megas

16. Sigurður A. Magnússon

17. Steina Vasulka

18. Vigdís Grímsdóttir

19. Vilborg Dagbjartsdóttir

20. Þorbjörg Höskuldsdóttir

21. Þorsteinn frá Hamri

22. Þráinn Bertelsson

23. Þuríður Pálsdóttir