Ragnar Þór nýr formaður VR

Ragnar Þór Ingólfsson sigraði í dag í formannskjöri VR. Ragnar var kjörinn formaður með tæplega 63 prósent atkvæða. Ólafía B. Rafnsdóttir lætur því af formennskunni en hún hlaut um 37 prósent atkvæða. Kosið var á milli Ragnars og Ólafíu, en Ólafía hefur verið formaður frá árinu 2013.

Allsherjaratkvæðagreiðslan stóð frá 7. mars til dagsins í dag. Kosningaþátttaka var 17 prósent, en alls greiddu 5.706 atkvæði. Á kjörskrá voru alls 33.383.

Sjö voru kjörnir í stjórn en þeir eru eftirfarandi:

Ólafur Reimar Gunnarsson

Harpa Sævarsdóttir

Birgir Már Guðmundsson

Guðrún Björg Gunnarsdóttir

Unnur María Pálmadóttir

Helga Ingólfsdóttir

Elisabeth Courtney

Þrír varamenn í stjórn VR – til eins árs

Guðrún Björk Hallbjörnsdóttir

Kristjana Þorbjörg Jónsdóttir

Rannveig Sigurðardóttir

Kjörtímabil þeirra hefst á aðalfundi VR fyrir árið 2017 sem haldinn verður í lok mars.