Guðbjörg fékk á sig þrjú mörk í tapi

Guðbjörg Gunnarsdóttir og Hallbera Guðný Gísladóttir léku báðar allan leikinn fyrir Djurgården sem tapaði 1-3 fyrir Rosengård í 2. umferð sænsku úrvalsdeildarinnar í kvöld.

Hallbera lagði upp sigurmark Djurgården gegn Pitea í 1. umferðinni en liðinu tókst ekki að fylgja þeim sigri eftir í kvöld.

Hallbera er á sínu fyrsta tímabili hjá Djurgården en Guðbjörg gekk til liðs við félagið í fyrra. Landsliðsmarkvörðurinn lék áður með Djurgården á árunum 2009-12.

Næsti leikur Djurgården er gegn Linköping 30. apríl næstkomandi.