Gunnar Nelson var til rannsóknar í Háskólanum í Reykjavík

Bardagakappinn Gunnar Nelson heimsótti Háskólann í Reykjavík í dag og gekk þar undir margskonar mælingar.

Rannsóknastofan í íþróttafræðinni í HR er vel tækjum búin og Gunnar nýtti sér það í dag.

Gunnar Nelson hefur unnið tvo UFC-bardaga sína sannfærandi á móti þeim Albert Tumenov og Alan Jouban í bæði skiptin fékk okkar maður verðlaun fyrir bestu frammistöðu kvöldsins.

Nú styttist óðum í næsta bardaga Gunnars sem verður á móti Argentínumanninum Santiago Ponzinibbio í Glasgow 16. júlí næstkomandi.

Gunnar er því á fullu að undirbúa sig sem best fyrir þann bardaga og því var upplagt að mæla kappann í dag.

Á fésbókarsíðu Íþróttafræði HR má sjá myndir af Gunnari þar sem er verið að fylgjast með öllum viðbrögðum líkama hans.

Það er hægt að sjá þessar myndir hér fyrir neðan.