Lögregla telur að hryðjuverk hafi verið framið

Lögreglan í London telur að atvikið þar sem sendiferðabíl var ekið á gangandi vegfarendur og hnífstunguárásir í grennd við brúnna hafi verið hryðjuverk.

Þetta staðfestir lögreglan á Twitter-síðu sinni en skömmu áður hafði Theresa May sagt að atvikin væru rannsökuð sem möguleg hryðjuverk

Rétt eftir klukkan 10 að staðartíma í London í kvöld var sendibifreið ekið á gangandi vegfarendur á London Bridge. Lögregla hefur staðfest að fleiri en einn hafi látist á brúnni.

Þá hafa vitni sagt að þrír árásarmenn hafi gengið um Borough Market, hverfi í grennd við brúnna, og stungið gangandi vegfarendur. Lögregla hefur staðfest að skotum var hleypt af á svæðinu.

Óvíst er hversu margir eru látnir eða særðir en fylgst er með framvindu mála hér.

At 0025hrs 4/6/17 the incidents at #LondonBridge & #BoroughMarket were declared as terrorist incidents.

— Metropolitan Police (@metpoliceuk) June 3, 2017