Tyson Fury: Conor rotar Mayweather á fyrstu 35 sekúndunum

Ingvi Þór Sæmundsson skrifar 26. júní 2017 23:30

Boxarinn sérlundaði Tyson Fury segir að Conor McGregor muni rota Floyd Mayweather innan 35 sekúndna í bardaga þeirra 26. ágúst næstkomandi.

Flestir boxarar sem hafa tjáð sig um bardagann hafa litla trú á Conor gegn Mayweather sem vann alla 49 bardaga sína á ferlinum.

Fury er ekki á sama máli og spáir því að Conor komi á óvart og klári Mayweather með rothöggi.

„Ég held að Conor muni rota hann innan 35 sekúndna eins og hann gerði við José Aldo,“ sagði Fury og vísaði til sigurs Conors á Aldo í UFC 194.

„Ég tel að Conor klári hann í einni lotu. Það yrði gott fyrir boxið ef Conor rotaði hann.“

Fury er meira en klár í að taka þátt í svipuðum viðburði og skoraði á glímukappann Hulk Hogan sem er 63 ára.

„Við munum fá bardaga - ég og gamli Hulk. Ég klár í slaginn og við fáum risabardaga,“ sagði Fury sem hefur ekki keppt síðan í lok nóvember 2015 þegar hann vann óvæntan sigur á Wladimir Klitschko.

MMA

Tengdar fréttir

Allt dýrt í Las Vegas helgina þegar Conor og Mayweather mætast

Þegar tilkynnt var um ofurbardaga Conor McGregor og Floyd Mayweather í Las Vegas hækkaði verð á hótelherbergjum í borginni upp úr öllu valdi.

16. júní 2017 17:30

Auðvitað er Conor búinn að láta mála vegginn í æfingasalnum svona | Myndir

Conor McGregor ætlar að rota Floyd Mayweather Jr. þegar þeir mætast í hnefaleikahringnum 26. ágúst.

21. júní 2017 09:45

Conor og Mayweather mætast 26. ágúst

Í kvöld var staðfest að boxbardagi þeirra Floyds Mayweather og Conors McGregor fari fram.

14. júní 2017 22:15

„Líkurnar á að Conor McGregor eigi séns í Floyd Mayweather eru nákvæmlega engar“

Hnefaleikasérfræðingur á ESPN útskýrir hvers vegna Írinn getur gleymt því að vinna Floyd Mayweather.

16. júní 2017 15:15

Buffer-bræðurnir munu líklega kynna peningabardagann

Bardagi Floyd Mayweather og Conor McGregor verður örugglega mikil skrautsýning en hann er líka einstakt tækifæri fyrir Buffer-bræðurna sem eru þekktustu íþróttakynnar heims enda miklir gullbarkar báðir.

15. júní 2017 23:00

Golovkin: Bardagi Conors og Mayweathers er sirkus ekki alvöru box

Einn besti hnefaleikakappi heims segir fólk skilja muninn á alvöru bardaga og sýningu eins og Conor og Floyd ætla að bjóða upp á.

20. júní 2017 13:45

Ekkert MMA á dagskrá er Conor og Mayweather berjast

Það var ekki farið að ráðum Gunnars Nelson er verið var að semja um boxbardaga á milli Conor McGregor og Floyd Mayweather.

15. júní 2017 09:00

Conor verður eins og hellisbúi í hringnum með Mayweather

Einn virtasti hnefaleikaþjálfari heims, Teddy Atlas, segir að Conor McGregor sé í C-flokki sem boxari og verði niðurlægður í hringnum af Floyd Mayweather.

16. júní 2017 20:30

Fékk milljón fyrir fyrsta bardagann

Conor McGregor er í 24. sæti yfir launahæstu íþróttamenn heims á síðasta ári og hann mun rjúka upp þann lista á næsta ári. Hann mun nefnilega fá á milli sjö til tíu milljarða króna fyrir bardaga sinn við Floyd Mayweather. Meira en hann mun fá fyrir feril sinn hjá UFC.

16. júní 2017 07:15