Ráðherra eykur þorskkvótann

Þorgerður Katrín Gunnarsdóttir, sjávarútvegs- og landbúnaðarráðherra, hefur gefið út reglugerð um leyfilegan heildarafla í íslenskri fiskveiðilögsögu fyrir næsta fiskveiðiár. Þorskkvótinn er aukinn úr 244 þúsundum tonna í 255 þúsund tonn.

Í tilkynningu frá ráðuneytinu segir að ráðherra fylgir veiðiráðgjöf Hafrannsóknastofnunar í öllum tegundum.

„Í nýlegri skýrslu Hafrannsóknastofnunar kemur fram að staða margra fiskistofna sé sterk og því ráðleggur stofnunin aukinn afla í mikilvægum tegundum s.s. þorski og ýsu. Hins vegar er ástand íslensku sumargotssíldarinnar slæmt vegna sýkingar og þarf því að draga verulega úr veiðum,“ segir í tilkynningunni.

Nánar má lesa um málið á vef ráðuneytisins, en að neðan má sjá má sjá kvóta eftir fisktegundum.