Lonzo með þrefalda tvennu í sínum öðrum leik

Ferill Lonzo Ball hjá LA Lakers fór ekki vel af stað því faðir hans, LaVar Ball, sagði að fyrsti leikurinn hefði verið hans lélegasti á ferlinum.

Strákurinn girti sig aftur á móti í brók í leik tvö í sumardeild NBA í Las Vegas enda var hann með þrefalda tvennu fyrir framan fullu húsi áhorfenda.

Lonzo skoraði 11 stig, tók 11 fráköst og gaf 11 stoðsendingar. Þetta var fyrsta þrefalda tvennan í sumardeildinni í að minnsta kosti sjö ár.

Pabbinn var samt ekki sáttur og sagði að þessi tölfræði skipti engu máli. Það væru sigrarnir sem öllu skiptu.

„Leikstjórnendur eru ekki dæmdir af tölfræði heldur sigrum þó svo ykkur blaðamönnum finnist þetta rosalega flott,“ sagði hinn kröfuharði faðir, LaVar Ball.