Kjartan Henry skoraði og Horsens á toppinn

Kjartan Henry Finnbogason og félagar hans í Horsens fara frábærlega af stað á nýju tímabili í dönsku úrvalsdeildinni og unnu í dag 1-0 sigur á Silkeborg á heimavelli.

Kjartan Henry skoraði eina mark leiksins úr vítaspyrnu á sjöttu mínútu en þetta var hans fyrsta mark á nýju tímabili.

Horsens hefur komið á óvart og unnið þrjá af fyrstu fjórum leikjum sínum og skaust upp í toppsæti deildarinnar með sigrinum í kvöld.

Nordsjælland er einnig með níu stig og á leik til góða gegn Lyngby um helgina.

Það var einnig spilað í Rússlandi í kvöld en þar var Sverrir Ingi Ingason í sigurliði er Rostov vann Anzhi, 1-0, á útivelli. Sverrir spilaði allan leikinn fyrir Rostov í kvöld.

Rostov er í fjórða sæti rússnesku úrvalsdeilarinnar með sjö stig að loknum fjórum leikjum.