Tekinn próflaus á 148 kílómetra hraða

Lögreglan á Suðurnesjum stöðvaði ökumann á Reykjanesbraut um helgina sem mældur var á 148 km/klst sem hámarkshraði er 90. Ökumaðurinn var auk þess grunaður um ölvun við akstur. Samkvæmt upplýsingum frá lögreglunni á Suðurnesjum ók hann bifreiðinni sviptur ökuréttindum.

Auk hans voru tveir aðrir ökumenn kærðir fyrir of hraðann akstur. Fáeinir ökumenn til viðbótar voru færðir á lögreglustöð, grunaðir um vímuefnaakstur og lögregla fjarlægði líka skráningarnúmer af nokkrum bifreiðum sem voru óskoðaðar eða ótryggðar í umferðinni.