Viðskipti innlent

Tuttugu missa vinnuna hjá Valitor á Íslandi

Kolbeinn Tumi Daðason skrifar
Viðar Þorkelsson er forstjóri Valitor.
Viðar Þorkelsson er forstjóri Valitor. Valitor
Umfangsmiklar skipulags- og hagræðingaraðgerðir hjá Valitor verða til þess að tuttugu starfsmenn hér á landi missa vinnuna. Þetta staðfestir forstjórinn Viðar Þorkelsson í samtali við Vísi. 

 Annars vegar er um að ræða ellefu störf sem færast frá Íslandi til Bretlands. Hins vegar missa níu starfsmenn vinnuna og ljúka störfum í dag. Möguleiki er fyrir þá sem sinna störfunum sem flytjast til Bretlands að flytja utan og sinna starfinu þar. 

 Þau níu sem láta af störfum í dag fá greiddan uppsagnafrest sem er misjafn milli manna að sögn Viðars.

 „Ástæðan fyrir þessum aðgerðum er ekki síst að rekstrarumhverfi félagsins, sérstaklega á Íslandi, hefur verið að versna. Við erum með stærstan hluta af tekjunum erlendis. Þá er krónan í sögulegu hámarki sem hefur mikil áhrif á okkar tekjumyndun,“ segir Viðar. Til viðbótar komi kostnaðarhækkanir undanfarin ár sem spili inn í breytingarnar.

 Viðar segir Valitor hafa 10 þúsund viðskiptavini í Bretlandi samanborið við um fimm þúsund hér á landi. Flutningurinn til Bretlands sé til að vera nær viðskiptavinunum.

 Valitor er með um 350 starfsmenn í þremur löndum, Íslandi, Bretlandi og Danmörku.



Mest lesið


Fleiri fréttir

Sjá meira


×

Mest lesið