Siggi Stormur leiðir Miðflokkinn í Hafnarfirði

Veður- og jarðvísindamaðurinn Sigurður Þ. Ragnarsson leiðir lista Miðflokksins í Hafnarfirði. Almennur félagsfundur flokksins samþykkti í gærkvöldi tillögu uppstillinganefndar um framboðslista Miðflokksins fyrir bæjarstjórnarkosningarnar í Hafnarfirði 26. maí næstkomandi.

Í öðru sæti listans er grunnskólakennarinn Bjarney Grendal Jóhannesdóttir en heildarlistann má nálgast hér að neðan.

Haft er eftir Sigurði í tilkynningu, sem alla jafna gengur undir viðurnefninu Stormur, að Miðflokkurinn sé stoltur af lista sínum í Hafnarfirði.

„Við leggjum höfuðáherslu á að finna skynsamlegar lausnir á þeim áskorunum sem Hafnarfjarðarbær stendur frammi fyrir og viljum fá bæjarbúa og önnur framboð með okkur í uppbyggilega rökræðu um þær. Við göngum því óbundin til kosninganna í vor en erum tilbúin að starfa með öllum sem vilja vinna með okkur að skynsamlegum málum sem bæta hag bæjarbúa. Við munum alltaf setja málefnin í forgang og hlökkum til að kynna stefnumál okkar á næstu vikum,“ segir Sigurður í tilkynningunni.

Lista flokksins í Hafnarfirði má sjá hér að neðan.

 

1	Sigurður Þ. Ragnarsson	Náttúruvísindamaður
2	Bjarney Grendal Jóhannesdóttir	Grunnskólakennari
3	Jónas Henning	Fjárfestir
4	Gísli Sveinbergsson	Málarameistari
5	Arnhildur Ásdís Kolbeins	Viðskiptafræðingur
6	Elínbjörg Ingólfsdóttir	Öryggisvörður
7	Ingvar Sigurðsson	Framkvæmdastjóri
8	Magnús Pálsson	Málarameistari
9	Sævar Gíslason	Iðnfræðingur
10	Ásdís Gunnarsdóttir	Sjúkraliði
11	Davíð Gígja	Sjómaður
12	Bjarni Bergþór Eiríksson	Sjómaður
13	Sigurður F. Kristjánsson	Kjötiðnaðarmaður
14	Haraldur J Baldursson	Véltæknifræðingur
15	Skúli Alexandersson	Bílstjóri
16	Rósalind Guðmundsdóttir	Viðskiptafræðingur
17	Árni Guðbjartsson
18	Guðmundur Snorri Sigurðsson	Bifvélavirkjameistari
19	Tómas Sigurðsson	Rekstrarstjóri
20	Árni Þórður Sigurðarson	Tollvörður
21	Kristinn Jónsson	Skrifstofumaður
22	Nanna Hálfdánardóttir	Frumkvöðull