Kínverjar senda Bandaríkjunum tóninn vegna Taívan

Herafli Kína sendi yfirvöldum og íbúum Taívan skýr skilaboð um helgina og hét því að vernda „móðurlandið“ og þar á meðal Taívan. Kínverskir fjölmiðlar hafa vakið athygli á aðgerðum hersins í kringum Taívan og rætt var við embættismenn sem segja aðgerðum þessum vera ætlað að leiða til friðsamlegrar sameiningar móðurlandsins.

Kínverjar hafa gert tilkall til Taívans allt frá árinu 1949 þegar leiðtogar lýðveldissinna í Kína flúðu þangað undan kommúnistum og stofnuðu þar ríki, sem þeir kölluðu, og kalla raunar enn, Lýðveldið Kína. Afar grunnt hefur verið á því góða á milli ríkjanna allar götur síðan.

Núverandi ríkisstjórn Taívan er hliðholl því að lýsa formlega yfir sjálfstæði.

Talsmaður varnarmálaráðuneytis Kína segir „aðskilnaðaraðgerðir“ Taívan koma niður á íbúum eyjunnar og ógna friðsamlegum samskiptum samskiptunum yfir Taívan-sund. Sífelldum ferðum herþotna við Taívan sé ætlað að verja hagsmuni íbúa eyjunnar.

Bandaríkin hafa lengi átt í óformlegum samskiptum við Taívan og varnarsamstarfi en viðurkenna hins vegar ekki Taívan opinberlega. Undir stjórn Donald Trump hafa samskipti Taívan og Bandaríkjanna hins vegar orðið formlegri. Bandaríkin og Taívan hafa gert tvo sáttmála sín á milli og hefur það valdið miklum áhyggjum í Peking, samkvæmt umfjöllun CNN.



Aðgerðum hersins við Taívan og áróðrinum frá Peking er einnig ætlað að senda skilaboð til Bandaríkjanna.

Ríkisfjölmiðlarnir CGTN OG CCTV+ birtu á föstudaginn myndbönd sem sýna herþotur fljúga við Taívan. Annað myndbandið heitir „PLA (Her Kína) verst „sjálfstæðu Taívan“.“ Í umfjöllun CGTN segir að „storkandi aðgerðir“ leiðtoga Taívan hafi leitt til viðbragða hersins. 

Hér má sjá frekari upplýsingar um deilur Taívan og Kína.