Flugvélin flæktist í rafmagnslínum

Engin skýring hefur fundist hvers vegna farþegaflugvél hrapaði skömmu eftir flugtak frá alþjóðaflugvellinum á Havana á Kúbu í gær. Fleiri en hundrað eru látnir.

Það var ófögur sjón sem blasti við flugfarþegum sem biðu á José Marti alþjóðaflugvellinum í Havana á Kúbu þegar Boeing 737 flugvél á vegum kúbverska ríkisflugfélagsins Cubana de Aviaction brotlenti skömmu eftir flugtak.

Vélin sem smíðuð var árið 1979 var í láni frá Mexíkóska flugfélaginu Damojh og hafði farið athugasemdalaust í gegnum öryggisskoðun hjá mexíkóskum flugmálayfirvöldum í nóvember á síðasta ári. Um borð í flugvélinni í gær voru 104 farþegar auk áhafnar en staðfest er að minnsta kosti hundrað séu látnir. Fjórir voru fluttir á sjúkrahús þar sem einn lést en þrír en á lífi og er ástand þeirra mjög alvarlegt.

Vitni segja að flugvélin hafi tekið á loft frá flugvellinum og svo virtist sem flugmaðurinn og flugstjórinn hefðu ekki náð henni upp. Þegar hún nálgaðist húsahverfi hafi hún snúist í rafmagnslínum og komið niður á jörðina.

Aðstæður á vettvangi voru hrikalegar. Mikil eldur kom upp eftir að vélin skall til jarðar en brak úr henni dreifðist um stórt svæði nærri íbúabyggð.

Björgunaraðilar hafa unnið að því að bera kennsl á þá sem voru um borð en þjóðerni farþeganna hefur ekki verið gefið upp.

Nýr forseti Kúbu, Miguel Diaz skoðaði aðstæður á vettvangi í gær en hann hefur lýst yfir tveggja daga þjóðarsorg hefur verið lýst yfir á Kúbu vegna slyssins í gær.