Stuðningsmaður Man. Utd fékk sér tattú til heiðurs Karius | Mynd

Rígurinn á milli stuðningsmanna Man. Utd og Liverpool er engu líkur en einn stuðningsmaður Man. Utd gekk ansi langt til þess að stríða Liverpool.

Þýski markvörðurinn Loris Karius átti martraðarleik í úrslitum Meistaradeildarinnr eins og heimsbyggðin veit. Það gladdi aftur á móti marga stuðningsmenn Man. Utd að Liverpool skildi tapa leiknum.

Það gladdi einn þeirra svo mikið að hann hoppaði inn á næstu húðflúrsstofu og fékk sér tattú til heiðurs Karius fyrir að klúðra leiknum.

„Karius er goðsögn,“ stóð á húðflúrinu og undir er svo dagsetning leiksins. Allt saman mjög eðlilegt.