51 stig frá James dugði ekki til og meistararnir komnir yfir eftir framlengingu

Meistararnir í Golden State Warriors eru komnir með yfirhöndina í úrslitaeinvíginu eftir framlengdan fyrsta leik einvígisins gegn Cleveland Cavaliers. Golden State vann að lokum, 124-114.

Jafnræði var með liðunum allan fyrsta leikhlutann. Liðin héldust nánast hönd í hönd allan leikhlutann en mikið var skorað eins og sést á lokatölum leiksins. Cleveland leiddi 30-29 eftir fyrsta leikhlutann.

Cleveland byrjaði annan leikhlutann vel. Þeir náðu mest ellefu stiga forskot um miðjan annan leikhlutann en meistararnir í Warriors voru ekki af baki dottnir og staðan var jöfn 56-56 í hálfleik.

Undir lok þriðja leikhlutans náðu Warriors góðu áhlaupi sem varð til þess að þeir leiddu með sex stigum fyrir fjórða og síðasta leikhlutann. Gestirnir í Cleveland og náðu frábæru áhlaupi.

George Hill jafnaði metin af vítalínunni er fimm sekúndur voru eftir. Hann gat tryggt Cleveland sigurinn úr seinna vítinu en brást bogalistinn og því þurfti að framlengja leikinn. 107-107 og mögnuð spenna.

Í framlengingunni höfðu meistararnir í Warriors tögl og haldir. Þeir skoruðu níu fyrstu stigin og unnu að lokum með tíu stigum, 124-114, eftir að hafa unnið framlenginguna 17-7. Erfitt var það en það hafðist hjá ríkjandi meisturum sem eru að mörgum taldir eiga að vinna einvígið nokkuð auðveldlega.

LeBron James var algjörlega stórkostlegur og rúmlega það fyrir Cleveland. Hann skoraði 51 stig, tók átta fráköst og gaf átta stoðsendingar. Næstur í liði Cleveland var Kevin Love með 21 stig og þrettán fráköst.

Hjá Cleveland dreifðist stigaskorið. Meira. Stephen Curry skoraði 29 stig, Kevin Durant skoraði 26 og Kevin Thompson skoraði 24. Ellefu leikmenn Cleveland komust á blað í leiknum.

Ótrúlegur LeBron:

Svona kláruðu heimamenn leikinn í framlengingunni: