Conor mætir aftur í búrið eftir tveggja ára fjarveru

Conor McGregor og Khabib Nurmagomedov munu berjast í blönduðum bardagalistum þann 6.október næstkomandi í Las Vegas en þetta var staðfest af Dana White, forseta UFC, í nótt.

Írinn geðþekki hefur ekki barist í UFC síðan í nóvember fyrir tveimur árum þegar hann barðist við Eddi Alvarez en hann keppti síðast við Floyd Mayweather í hnefaleikum í ágúst í fyrra.

Rússinn Khabib Nurmagomedov hefur unnið alla 26 bardaga sína en sá síðasti var á móti Al Iaquinta í apríl síðastliðnum. Nurmagomedov er 10-0 í bardögum innan UFC.

Conor McGregor hefur unnið 21 af 24 bardögum sínum en hann tapaði síðast á móti Nate Diaz 5. mars 2016 sem er eina tapið hans í bardaga innan UFC.

pic.twitter.com/3yRYVej5ke

— Conor McGregor (@TheNotoriousMMA) August 3, 2018