Tryggvi Hrafn í byrjunarliði í tapi Halmstad

Tryggvi Hrafn Haraldsson var í byrjunarliði Halmstad í tapi gegn Gefle en Höskuldur Gunnlaugsson byrjaði á bekknum.

 

Fyrir leikinn var Halmstad með 31 stig í fjórða sæti deildarinnar á meðan Gefle var í fallsæti með 11 stig.

 

Það var Piotr Johannson sem kom gestunum í Gefle yfir á 39. mínútu leiksins og var staðan því 0-1 í hálfleiknum.

 

Liðsmenn Halmstad reyndu hvað þeir gátu að jafna metin í seinni hálfleiknum og náðu þeir því á 85. mínútu þegar Johan Oremo skoraði.

 

Þetta jöfnunarmark dugaði þó aðeins í fimm mínútur en þá skoraði Adam Wiberg og kom Gefle yfir á nýjan leik og voru 2-1 loktölur.

 

Tryggvi Hrafn spilaði 79. mínútu en þá var honum skipt af velli fyrir Höskuld sem fékk því rúmlega tíu mínútur.

 

Eftir leikinn er Gefle því komið með 14 stig, þó ennþá í fallsæti, á meðan Halmstad er ennþá í fjórða sæti með 31 stig, en hafa spilað einum leik meira heldur en liðin í kring.