Leikkona úr Húsinu á sléttunni látin

Bandaríska leikkonan Katherine MacGregor, sem þekktust er fyrir hlutverk sitt í þáttunum Húsið á sléttunni, er látin, 93 ára að aldri.

MacGregor, sem fór með hlutverk hinnar ríku og illgjörnu Harriet Oleson í þáttunum, andaðist á hjúkrunarheimili þar sem hún bjó í Woodland Hills í Kaliforníu á þriðjudaginn. Í þáttunum var fylgst með ástum, þrautum og ævintýrum Ingalls-fjölskyldunnar og samferðamanna þeirra í Minnesota á síðari hluta nítjándu aldar.

Melissa Gilbert, sem fór með hlutverk Lauru Ingalls í þáttunum, minnist MacGregor á Instagram og segir Harriet Oleson hafa verið þá persónu sem aðdáendur þáttanna hafi elskað að hata.

„Fullkominn fjandmaður. En fólkið sem var ekki hluti sléttufjölskyldu okkar vissi ekki hvað hún var ástúðleg og góð við yngri leikarana í þáttunum,“ segir Gilbert.

Katherine MacGregor lék í öllum níu þáttaröðum Hússins á sléttunni sem gerðir voru á árunum 1974 til 1983.

 

 

 

View this post on Instagram

I just got word that Katherine MacGregor passed away yesterday. This woman taught me so much... about acting... vintage jewelry... life. She was outspoken and hilariously funny. A truly gifted actress as she was able to play a despicable character but with so much heart. Her Harriet Oleson was the woman our fans loved to hate. A perfect antagonist. The thing people outside of our prairie family didn’t know, was how loving and nurturing she was with the younger cast. I really loved her and I find great comfort knowing that she is at peace and, per her beliefs, her soul has moved on to its next incarnation. Farewell Scottie. I hope with all my heart we meet again next time.

A post shared by Melissa Gilbert (@melissaellengilbertbusfield) on Nov 14, 2018 at 6:29am PST