Danski rit­höfundurinn Jane Aa­mund er látin

Danski rithöfundurinn Jane Aamund, sem er einna þekktust fyrir bækur sínar Klinkevals og Colorado drømme, er látin, 82 ára að aldri.

Sonur Aamund staðfestir að hún hafi andast í gær, en hún hafði glímt við krabbamein um langt skeið.

Aamund starfaði lengi sem blaðamaður og gaf út fyrstu bók sína, Bag damen stod en Christian, árið 1977. Hún sló hins vegar í gegn með Kinkevals-bókunum, sem voru þrjár talsins, á árunum 1989 til 1992.

Aamund fylgdi svo bókunum eftir með ástarsögunni Colorado drømme, sem var að hluta sjálfsævisöguleg, árið 1998. Colorado draumurinn kom út í íslenskri þýðingu árið 2002.

Hún skrifaði í heildina um tuttugu bækur.