Ók gegn einstefnu undir áhrifum með falsað ökuskírteini

Erlendur ökumaður sem ók gegn einstefnu í Keflavík um helgina reyndist hafa ýmislegt fleira á samviskunni þegar lögreglumenn á Suðurnesjum ræddu við hann. Sýnatökur á lögreglustöð sýndu fram á að hann var undir áhrifum fíkniefna. Þá reyndist ökuskírteini sem ökumaðurinn framvísaði vera grunnfalsað.

Annar ökumaður, sem einnig var grunaður um fíkniefnaakstur, var með smelluláspoka í bifreiðinni sem innihélt kannabis.

Þá voru nokkrir ökumenn stöðvaðir til viðbótar vegna gruns um akstur undir áhrifum áfengis eða fíkniefna.