United staðfestir að Herrera yfirgefi félagið í sumar

Manchester United staðfesti nú í morgun að Ander Herrera, miðjumaður liðsins, muni yfirgefa félagið í sumar en samningur hans rennur út í sumar.

Þessi 29 ára gamli miðjumaður hefur verið í herbúðum United síðan 2014 og leikið tæplega 200 leiki fyrir félagið. Hann hefur skorað tólf mörk í þessum leikjum.

A goodbye message from @AnderHerrera.  #MUFCpic.twitter.com/z56bmBwXa9

— Manchester United (@ManUtd) May 11, 2019

Í viðtali við heimasíðu félagsins segir Spánverjinn að United muni alltaf eiga stað í hjarta sínu en hann hefur unnið Evrópudeildina, enska bikarinn og deildarbikarinn á tíma sínum hjá félaginu.

Reikna má með að Herrera gangi í raðir frönsku meistaranna PSG í sumar en Antonio Valencia og Juan Mata eru væntanlega einnig á leið frá United í sumar.