Manchester City tókst að landa þrennunni um helgina Hjörvar Ólafsson skrifar 20. maí 2019 17:00 Kevin de Bruyne, Ederson, Bernardo Silva, David Silva, Gabriel Jesus, Ilkay Gundogan, Kyle Walker og Vincent Kompany fagna sigri í ensku bikarkeppninni um helgina. Getty/Sebastian Frej Úrslitaleikur ensku bikarkeppninnar í knattspyrnu karla varð aldrei spennandi þetta árið en Manchester City sýndi mátt sinn og megin þegar liðið valtaði yfir Watford í leik liðanna á Wembley. Raheem Sterling skoraði þrjú marka Manchester City í leiknum en Gabriel Jesus, sem átti stóran þátt í einu marka Sterling, David Silva og Kevin De Bruyne skoruðu sitt markið hver. Manchester City varð þar af leiðandi fyrsta karlaliðið til þess að vera á sama tíma deildarbikarmeistari, bikarmeistari og ríkjandi enskur meistari. Kvennalið Arsenal hafði áður náð þessum árangri vorið 2007 en það lið vann raunar enn fremur Meistaradeild Evrópu á þeirri leiktíð. Manchester City hefur nú unnið fyrrgreindar keppnir í fimm af síðustu sex skiptum sem keppt hefur verið í þeim. Tvö önnur ensk lið hafa sett saman annars konar þrennur á einu og sama keppnistímabilinu. Liverpool hefur gert það tvívegis en vorið 1984 varð liðið enskur meistari, vann enska deildabikarinn og vann Evrópukeppni meistaraliða undir stjórn Joe Fagan. Liverpool vann svo enska bikarinn, enska deildabikarinn og Evrópukeppni félagsliða árið 2001. Manchester United vann þrennu sem samanstóð ef enska meistaratitlinum, enska bikarnum og sigri í Meistaradeild Evrópu með Sir Alex Ferguson við stjórnvölinn árið 1999. Þá setti Manchester City tvö önnur met og jafnaði annað í þessum leik. Liðið skoraði 26 mörk í keppninni á þessari leiktíð sem er það mesta í sögu keppninnar en fyrra metið átti Chelsea með því að skora 20 mörk. Þetta var svo 50. sigur liðsins á leiktíðinni í öllum keppnum sem er met. Manchester City jafnaði svo 116 ára gamalt met Bury frá árinu 1906 yfir stærsta sigur liðs í úrslitaleik ensku bikarkeppninnar í knattspyrnu karla. Guardiola, sem var þarna að vinna sinn 27. stóra titil sem knattspyrnustjóri, er nú einn af þeim átta knattspyrnustjórum sem hefur unnið enska deildabikarinn, enska bikarinn og enska meistaratitilinn. Bill Nicholson, Don Revie, Joe Mercer, Sir Kenny Dalglish, George Graham, Ferguson og José Mourinho höfðu áður náð þeim áfanga. Það er til marks um fullkomnunaráráttu og vilja hans til þess að vera sífellt að bæta liðið sitt að hann eyddi drykklangri stund í miðri sigurgleði liðsins til þess að fara yfir taktísk atriði með Raheem Sterling sem skoraði þrennu í leiknum. Þetta var kveðjuleikur belgíska varnarmannsins Vincents Kompany sem verið hefur fyrirliði liðsins undanfarin ár, en hann er að taka við sem spilandi aðstoðarknattspyrnustjóri hjá uppeldisfélagi sínu Anderlecht í sumar. Kompany hefur fjórum sinnum orðið enskur meistari með Manchester City, fjórum sinnum unnið enska deildabikarinn og þetta var í þriðja sinn sem hann lyftir enska bikarnum. Manchester City fékk verðuga samkeppni frá Liverpool um enska meistaratitilinn á þessari leiktíð eftir að hafa rústað deildinni og sett met með því að vinna deildina með því að fá 100 stig árið áður. Það sem ætti kannski að hræða stuðningsmenn Liverpool sem og annarra liða er að Manchester City vann þessa þrjá titla með Kevin De Bruyne meiddan lungann úr leiktíðinni. De Bruyne kom inn á sem varamaður um miðbik seinni hálfleiks í þessum leik og var skömmu síðar búinn að skora eitt mark og leggja upp annað. Manchester City mun síður en svo slaka á klónni á næsta keppnistímabili og nú er það hinna liðanna að spýta í lófana og freista þess að taka fram úr City sem verður hægara sagt en gert. Birtist í Fréttablaðinu Enski boltinn Mest lesið Danski dómarinn aftur á börum af velli Handbolti Trump fékk gulllykil og sagði tollastríðið auka spennu fyrir HM Fótbolti Björgvin Páll strax kallaður aftur í landsliðið Handbolti Svindlaði á öllum lyfjaprófum Sport „Vorum að passa okkur og hlupum ekki neitt“ Enski boltinn Um orðaskak sitt við LeBron James: „Snerist um son hans“ Körfubolti Tatum lækkaði rostann í Lakers og James meiddist Körfubolti Óli Óla í beinni úr klefa eftir sigur á Njarðvík: „Fá okkur að éta og bara njóta“ Körfubolti Liðslæknir Barcelona lést óvænt og leik kvöldsins frestað Fótbolti Everton ekki tapað í síðustu átta deildarleikjum sínum Enski boltinn Fleiri fréttir „Vorum að passa okkur og hlupum ekki neitt“ Everton ekki tapað í síðustu átta deildarleikjum sínum Villa blandar sér í Meistaradeildarbaráttuna „Slakir og hægir í fyrri hálfleik“ Jason Daði lagði upp gegn toppliðinu en Benoný haldið á bekknum Liverpool þurfti að hafa fyrir hlutunum gegn botnliðinu Forest tók stórt skref í átt að Meistaradeild Evrópu Finnur sig vel í hörkunni á Englandi: „Orðinn fullorðinn maður núna“ West Ham með dýrara lið en Barcelona og AC Milan Höjlund fékk óvænt hrós þrátt fyrir nítjánda markalausa leikinn í röð Sex leikja bann fyrir brotið á Mateta Segir að Amorim sé að „drukkna“ hjá United Ekki bara Liverpool þríeykið sem er að renna út á samning Unnið ensku, frönsku, þýsku og spænsku meistarana án þess að fá á sig mark Spilaði leik sama dag og hann viðurkenndi að hafa orðið manni að bana Liverpool gæti mætt vængbrotnu liði í úrslitaleiknum á Wembley Oliver kældur eftir Mateta-atvikið Sjáðu frábæran skalla Benonýs Breka Gamla Liverpool stjarnan grét þegar hann rifjaði upp hræðilegan tíma Hvetja stuðningsfólk Man. Utd til að mæta í svörtu því félagið sé „að deyja“ Benoný Breki áfram á skotskónum „Þér að kenna ef við vinnum ekki deildina“ Segir það þjakandi og einmanalegt að vera hjá Man United Nottingham Forest vann aftur eftir vítakeppni Man. United má ekki nota unga framherjann sinn í Evrópudeildinni Amorim: „Ég er ekki barnalegur“ Kvartar undan boltanum eftir tuttugu skot framhjá Draumaprinsinn Benoný: „Kannski sá besti hérna í að klára færin“ Stefán Teitur og félagar mæta Aston Villa Hamrarnir hentu frá sér tveggja marka forystu gegn Arsenal Sjá meira
Úrslitaleikur ensku bikarkeppninnar í knattspyrnu karla varð aldrei spennandi þetta árið en Manchester City sýndi mátt sinn og megin þegar liðið valtaði yfir Watford í leik liðanna á Wembley. Raheem Sterling skoraði þrjú marka Manchester City í leiknum en Gabriel Jesus, sem átti stóran þátt í einu marka Sterling, David Silva og Kevin De Bruyne skoruðu sitt markið hver. Manchester City varð þar af leiðandi fyrsta karlaliðið til þess að vera á sama tíma deildarbikarmeistari, bikarmeistari og ríkjandi enskur meistari. Kvennalið Arsenal hafði áður náð þessum árangri vorið 2007 en það lið vann raunar enn fremur Meistaradeild Evrópu á þeirri leiktíð. Manchester City hefur nú unnið fyrrgreindar keppnir í fimm af síðustu sex skiptum sem keppt hefur verið í þeim. Tvö önnur ensk lið hafa sett saman annars konar þrennur á einu og sama keppnistímabilinu. Liverpool hefur gert það tvívegis en vorið 1984 varð liðið enskur meistari, vann enska deildabikarinn og vann Evrópukeppni meistaraliða undir stjórn Joe Fagan. Liverpool vann svo enska bikarinn, enska deildabikarinn og Evrópukeppni félagsliða árið 2001. Manchester United vann þrennu sem samanstóð ef enska meistaratitlinum, enska bikarnum og sigri í Meistaradeild Evrópu með Sir Alex Ferguson við stjórnvölinn árið 1999. Þá setti Manchester City tvö önnur met og jafnaði annað í þessum leik. Liðið skoraði 26 mörk í keppninni á þessari leiktíð sem er það mesta í sögu keppninnar en fyrra metið átti Chelsea með því að skora 20 mörk. Þetta var svo 50. sigur liðsins á leiktíðinni í öllum keppnum sem er met. Manchester City jafnaði svo 116 ára gamalt met Bury frá árinu 1906 yfir stærsta sigur liðs í úrslitaleik ensku bikarkeppninnar í knattspyrnu karla. Guardiola, sem var þarna að vinna sinn 27. stóra titil sem knattspyrnustjóri, er nú einn af þeim átta knattspyrnustjórum sem hefur unnið enska deildabikarinn, enska bikarinn og enska meistaratitilinn. Bill Nicholson, Don Revie, Joe Mercer, Sir Kenny Dalglish, George Graham, Ferguson og José Mourinho höfðu áður náð þeim áfanga. Það er til marks um fullkomnunaráráttu og vilja hans til þess að vera sífellt að bæta liðið sitt að hann eyddi drykklangri stund í miðri sigurgleði liðsins til þess að fara yfir taktísk atriði með Raheem Sterling sem skoraði þrennu í leiknum. Þetta var kveðjuleikur belgíska varnarmannsins Vincents Kompany sem verið hefur fyrirliði liðsins undanfarin ár, en hann er að taka við sem spilandi aðstoðarknattspyrnustjóri hjá uppeldisfélagi sínu Anderlecht í sumar. Kompany hefur fjórum sinnum orðið enskur meistari með Manchester City, fjórum sinnum unnið enska deildabikarinn og þetta var í þriðja sinn sem hann lyftir enska bikarnum. Manchester City fékk verðuga samkeppni frá Liverpool um enska meistaratitilinn á þessari leiktíð eftir að hafa rústað deildinni og sett met með því að vinna deildina með því að fá 100 stig árið áður. Það sem ætti kannski að hræða stuðningsmenn Liverpool sem og annarra liða er að Manchester City vann þessa þrjá titla með Kevin De Bruyne meiddan lungann úr leiktíðinni. De Bruyne kom inn á sem varamaður um miðbik seinni hálfleiks í þessum leik og var skömmu síðar búinn að skora eitt mark og leggja upp annað. Manchester City mun síður en svo slaka á klónni á næsta keppnistímabili og nú er það hinna liðanna að spýta í lófana og freista þess að taka fram úr City sem verður hægara sagt en gert.
Birtist í Fréttablaðinu Enski boltinn Mest lesið Danski dómarinn aftur á börum af velli Handbolti Trump fékk gulllykil og sagði tollastríðið auka spennu fyrir HM Fótbolti Björgvin Páll strax kallaður aftur í landsliðið Handbolti Svindlaði á öllum lyfjaprófum Sport „Vorum að passa okkur og hlupum ekki neitt“ Enski boltinn Um orðaskak sitt við LeBron James: „Snerist um son hans“ Körfubolti Tatum lækkaði rostann í Lakers og James meiddist Körfubolti Óli Óla í beinni úr klefa eftir sigur á Njarðvík: „Fá okkur að éta og bara njóta“ Körfubolti Liðslæknir Barcelona lést óvænt og leik kvöldsins frestað Fótbolti Everton ekki tapað í síðustu átta deildarleikjum sínum Enski boltinn Fleiri fréttir „Vorum að passa okkur og hlupum ekki neitt“ Everton ekki tapað í síðustu átta deildarleikjum sínum Villa blandar sér í Meistaradeildarbaráttuna „Slakir og hægir í fyrri hálfleik“ Jason Daði lagði upp gegn toppliðinu en Benoný haldið á bekknum Liverpool þurfti að hafa fyrir hlutunum gegn botnliðinu Forest tók stórt skref í átt að Meistaradeild Evrópu Finnur sig vel í hörkunni á Englandi: „Orðinn fullorðinn maður núna“ West Ham með dýrara lið en Barcelona og AC Milan Höjlund fékk óvænt hrós þrátt fyrir nítjánda markalausa leikinn í röð Sex leikja bann fyrir brotið á Mateta Segir að Amorim sé að „drukkna“ hjá United Ekki bara Liverpool þríeykið sem er að renna út á samning Unnið ensku, frönsku, þýsku og spænsku meistarana án þess að fá á sig mark Spilaði leik sama dag og hann viðurkenndi að hafa orðið manni að bana Liverpool gæti mætt vængbrotnu liði í úrslitaleiknum á Wembley Oliver kældur eftir Mateta-atvikið Sjáðu frábæran skalla Benonýs Breka Gamla Liverpool stjarnan grét þegar hann rifjaði upp hræðilegan tíma Hvetja stuðningsfólk Man. Utd til að mæta í svörtu því félagið sé „að deyja“ Benoný Breki áfram á skotskónum „Þér að kenna ef við vinnum ekki deildina“ Segir það þjakandi og einmanalegt að vera hjá Man United Nottingham Forest vann aftur eftir vítakeppni Man. United má ekki nota unga framherjann sinn í Evrópudeildinni Amorim: „Ég er ekki barnalegur“ Kvartar undan boltanum eftir tuttugu skot framhjá Draumaprinsinn Benoný: „Kannski sá besti hérna í að klára færin“ Stefán Teitur og félagar mæta Aston Villa Hamrarnir hentu frá sér tveggja marka forystu gegn Arsenal Sjá meira