Sancho setti upp sýningu sem kaffærði Alfreðs-lausum Augsburg

Dortmund byrjar þýsku úrvalsdeildina af krafti annað árið í röð en liðið vann 4-1 sigur á Augsburg í 1. umferðinni.

Alfreð Finnbogason, sem skrifað undir nýjan samning við Augsburg í vikunni, var ekki í leikmannahópi gestanna en hann er enn að jafna sig á aðgerð sem hann gekkst undir í sumar.

Það var liðin innan við mínúta er gestirnir komust yfir. Markið gerði Florian Niederlechner en Adam var þó ekki lengi í paradís því tveimur mínútum síðar jafnaði Paco Alcacer.

Staðan var jöfn í hálfleik en hinn nítján ára gamli Jadon Sancho tók yfir leikinn í síðari hálfleik. Hann kom Dortmund yfir á 51. mínútu og sex mínútum síðar lagði hann upp mark fyrir Marco Reus.

Jadon Sancho has now been directly involved in 37 goals in 57 games across all competitions for Borussia Dortmund.

21 assists

16 goals

He wants another trophy.  pic.twitter.com/RsM9PJERrG

— Squawka Football (@Squawka) August 17, 2019

Smiðshöggið rak svo Paco Alcacer með öðru marki sínu og fjórða marki þeirra gulklæddu. Fimmta markið kom svo á 82. mínútu en það gerði Julian Brandt.

Lokatölur 5-1 og Dortmund byrjar af krafti á meðan Bayern gerði jafntefli á heimavelli í gær.

Önnur úrslit í þýsku úrvalsdeildinni má sjá hér að neðan en Leverkusen, Freiburg, Wolfsburg og Fortuna Dusseldorf byrja einnig deildina á sigrum.

Öll úrslit dagsins:

Bayer Leverkusen - Paderborn 3-2

Dortmund - Augsburg 5-1

Freiburg - Mainz 3-0

Wolfsburg - Köln 2-1

Werder Bremen - Dusseldorf 1-3